எனக்குப் பிடித்த தமிழில், ஒரு புதிய தொடக்கம்

கடந்த இரண்டு ஆண்டுகளாக லிங்க்டின்-ல்(Linkedin)  “லீடர்ஸ் ரிப்ளெக்ஷன்ஸ்” (Leaders Reflections) என்ற தலைப்பில் ஆங்கிலத்தில் தொடர்ந்து எழுதி வருகிறேன். அந்த எழுத்துப் பயணத்துக்கு இடையில், எனக்குப் பிடித்த தமிழிலும் எழுத வேண்டும் என்ற அவா இருந்துகொண்டே இருந்தது.

நீண்ட நாட்களாக, டிசிகாப் நிறுவனர் கார்த்திக் சிதம்பரம் அவர்கள் “ஞாயிறு கடிதம்” என்ற பெயரில் தமிழில் தன் கையெழுத்தில் எழுதுவதைப் பார்த்தேன். அது என்னுடைய ஆசைக்கு மேலும் ஓர் உத்வேகமாக அமைந்தது.

தமிழின் மீதான விருப்பம் எனக்குச் சிறுவயதிலிருந்தே உண்டு. நான் தமிழ் வழிக் கல்வியில் பயின்றேன். சிறுவயதில் எனக்கு எழுதவும் படிக்கவும் தெரிந்த மொழி தமிழ் மட்டும்தான். என்னுடைய படிப்பும், எண்ணங்களை எழுத்தில் வெளிப்படுத்துவதும் தமிழில்தான் இருந்தன.

பிறகு கல்லூரி, வேலை என்று வாழ்க்கை நகர்ந்தபோது, தமிழில் படிப்பதற்கும் எழுதுவதற்குமான வாய்ப்புகள் குறைந்துவிட்டன. வேலைக்குச் சேர்ந்த பிறகு ஆங்கிலத்தின் பயன்பாடு அதிகமானது. தமிழில் பேசும் வாய்ப்புகள் இருந்தாலும், அந்த உரையாடல்களும் பெரும்பாலும் வேலை அல்லது எங்கள் துறை சார்ந்தவையாகவே அமைந்தன.

இப்போது மீண்டும் தமிழில் எழுத வேண்டும் என்று நினைக்கிறேன். அன்றாட வாழ்க்கை, வேலை, நண்பர்கள், உறவுகள் ஆகியவற்றிலிருந்து நான் கற்றுக்கொள்வதை ஒவ்வொரு வெள்ளிக்கிழமையும் இங்கே பகிர விரும்புகிறேன். அதற்காகத் தொடங்குவதுதான் “எனது சிந்தனைகள்.”

நம் எண்ணங்களை ஆங்கிலத்திலும் வெளிப்படுத்த முடியும். ஆனால், என்னுடைய தாய்மொழியான தமிழில் எழுதும்போது, நான் சொல்ல நினைப்பதை இன்னும் எளிதாக மற்றும் விரைவாக சொல்ல முடிகிறது. மனதில் இருக்கும் எண்ணங்களையும் நோக்கங்களையும் எனக்கு நெருக்கமான சொற்களில் எழுத முடிகிறது.

அதே நேரத்தில், தமிழில் எழுதுவதும் எனக்கு ஒரு கற்றல் பயணமாக இருக்கப்போகிறது.

அன்றாடம் பயன்படுத்தாமல் விட்ட சில தமிழ்ச் சொற்கள் மறந்துபோயிருக்கின்றன. எழுதும்போது ஓர் ஆங்கிலச் சொல்லுக்கான தமிழ்ச் சொல் உடனே நினைவுக்கு வராமல் போகலாம். அதைத் தேடிப் படித்து, பொருள் புரிந்து பயன்படுத்தும்போது, என்னுடைய தமிழும் கொஞ்சம் வளரும். அந்தச் சொல்லைப் படிக்கும் ஒருவருக்கும் அது புதிய அறிமுகமாக இருக்கலாம்.

எழுதுவதன் மூலம் என் சிந்தனைகளைத் தெளிவுபடுத்திக்கொள்ளவும், மறந்த சொற்களை மீண்டும் அறிந்துகொள்ளவும் இது ஒரு வாய்ப்பு என்று பார்க்கிறேன்.

தமிழ் தெரிந்த நண்பர்கள் தமிழில் படிக்கலாம். தமிழ் தெரியாத, பிற தாய்மொழிகளைக் கொண்ட நண்பர்களுக்காக ஆங்கில மொழிபெயர்ப்பையும் பகிர விரும்புகிறேன். மொழி வேறாக இருந்தாலும், நான் பகிரும் அனுபவங்களும் கற்றல்களும் அனைவரையும் சென்றடைய வேண்டும் என்பதே என் விருப்பம்.

இந்தப் பயணத்தில் உங்கள் ஆதரவும் கருத்துகளும் எனக்கு உதவியாக இருக்கும். ஒரு பதிவு உங்களுக்கு எந்த நினைவை ஏற்படுத்தியது, எந்தக் கருத்துடன் நீங்கள் உடன்படுகிறீர்கள், எதை வேறுவிதமாகப் பார்க்கிறீர்கள் என்பதையும் பகிருங்கள்.

நான் எழுதுகிறேன். நீங்களும் உங்கள் எண்ணங்களைப் பகிருங்கள். சேர்ந்து கற்போம்;

மீண்டும் அடுத்த வெள்ளிக்கிழமை சந்திப்போம்.

அன்புடன், மோகன் நடராஜன்

A New Beginning in Tamil, a Language I Love

For the past two years, I have been writing regularly in English on LinkedIn under the title “Leaders Reflections.” Throughout that writing journey, I have also wanted to write in Tamil, a language I love.

For a long time, I have followed DCKAP founder Karthik Chidambaram ’s handwritten Tamil letters, published as “ஞாயிறு கடிதம்” (Sunday Letter). His writing gave me further encouragement to pursue that wish.

My love for Tamil goes back to childhood. I studied in Tamil, and growing up, it was the only language I could read and write. It was the language of my education and the way I expressed my thoughts in writing.

As life moved on to college and work, my opportunities to read and write in Tamil became fewer. Once I started working, I used English much more. Even when I had opportunities to speak in Tamil, those conversations were mostly about work or our industry.

Now, I want to write in Tamil again. Every Friday, I hope to share what I learn from everyday life, work, friends, and relationships. That is why I am starting “எனது சிந்தனைகள்” (My Thoughts).

We can express our thoughts in English too. But when I write in Tamil, my mother tongue, I can say what I want more easily and quickly. I can express my thoughts and intentions in words that feel familiar and close to me.

Writing in Tamil will also be a learning journey for me.

I have forgotten some Tamil words simply because I no longer use them every day. While writing, I may not immediately remember the Tamil equivalent of an English word. Finding that word, understanding its meaning, and using it will help me improve my Tamil. Someone reading it may discover that word for the first time too.

I see writing as an opportunity to clarify my thoughts and rediscover words I have forgotten.

Friends who know Tamil can read the original. For friends whose mother tongue is another language and who do not know Tamil, I also want to share an English translation. Whatever the language, I hope the experiences and lessons I share will reach everyone.

Your support and feedback will help me along the way. Tell me what memories a post brings back, which ideas you agree with, and what you see differently.

I will keep writing. Please share your thoughts too. Let’s learn together.

See you again next Friday.

Mohan Natarajan